TULOY PO KAYO sa aking munting kastilyo.... WELCOME TO KASTILYONG LAPIS ....

Feb 28, 2011

Training Log: Goals for the Month of March

Farewell February. Meet March.

Sa loob ng unang dalawang buwan ng 2011, masaya akong nakatapos sa unang walong linggo ng aking training. Nde ko pa den masabi na nakabalik na ko sa dating pagtakbo ko. Unang-una dahil hirap at mabigat pa den ang aking katawan. Pangalawa dahil mabagal at nde pa den ganun kalayuan ang aking kayang takbuhin.

Pero kumpara sa kung saan ako nagsimula ngayong taon, marami nang positibong nagbago at kung kaya ko pang ituloy-tuloy ang aking mga nasimulan ay mas mapapalapit pa ako sa mga target goals ko sa buong taon.

Mula sa panimulang 6 na kilometrong pagtakbo, Nakatapos ako ng 16 na kilometro sa buwan ng Pebrero. Mula sa 171 pounds, bumaba na ang aking timbang sa 164.0 pounds. Naitala den ng aking running watch ang pinakamabilis na kilometrong tinakbo ko sa 4:32 minutes. Mas mabilis kesa sa 6 minute per kilometer na pagtakbo nung mga unang araw ng taon.

Time to look forward and set new goals. Mas maayos at magiging mas madali siguro kung merong mga monthly goals. Monthly goals na naka-align den sa mid-year marathon goal ko - ang Milo marathon.

Ngayong Marso, goals ko ang mga sumusunod:
  • Run 21-Kilometers on a Sunday Long Run (Mas mahaba sa 16Km this Feb)
  • Weight down to 160 pounds (Mas mababa pa sa 164.0 this Feb)
  • Log a 4:00 kilometer on a Park Training Run (4:32 minutes fastest this Feb)
Diba? Mas madaling sundin kung nakatala ang mga gusto kong magawa ngayong buwan? Unti-unti lang den at hopefully pagdating ng April, mas magiging madali na ang magtraining para sa marathon.

Bago ko tuluyang magpaalam sa Pebrero, masaya ko munang ise-celebrate ang aking 2000 kilometers na natakbo simula pa noong November 2008. Yehey!

Nitong huling Linggo, in celebration na den ng history ng aking Sunday long runs. Ibinalik ko yung Pandesal Run. Hehe. Tumakbo ako ng tatlong kilometro papuntang bayan ng Silang, bumili ng mainit at bagong lutong pandesal, tumakbo ulit ng apat pang kilometro papuntang bahay nila Nerissa para i-deliver yung pandesal at tumakbo ng 7 kilometro pauwi ng bahay.

Nakalimutan kong bilhan ng palaman yung pandesal. Hehe. Next pandesal run siguro.

Feb 24, 2011

2011 Training Log: Week #8, 12Km Easy Run

Kanina, after ko magboxing ng apat na rounds, nasa 165.8 pounds yung timbang ko. Mamayang gabi, mga 8pm, tatakbo ako ng 12 na kilometro.

Inaasahan kong mas mababa pa yung timbang ko dahil sa fluids na mawawala sa katawan ko sa halos isang oras na takbo. At pati na rin sa energy (calories) na kailangang gamitin ng katawan ko sa takbuhin ko mamaya.

Last week, 168 yung timbang ko bago ko tumakbo ng 12 kilometers. After nung takbo, nasa 165.0 na lang ako. So tonight, expect ko na bababa ako ng 163-164 pounds pagkatapos kong tumakbo. Ang pinakamababang timbang ko so far this year! Hehehe.

Training wise, mas mabagal ako dapat compared sa takbo ko tuwing Martes ng gabi. Mas malayo kasi pag Huwebes. In preparation na den sa Sunday long run. Saka pag Martes, sinusubukan kong haluan ng konting 100m sprint yung bawat 1km loop ko sa Velazquez Park. Unti-unti lang den para unti-unting masanay yung katawan ko sa mabilis na pagtakbo.

Makikita nyo rin ako na kumakanta habang tumatakbo. Praise and worship songs lang den for God, sa patuloy na pagbibigay nya saken ng buhay at lakas.

Minsan nga, kakakanta, nakakalimutan ko na den na malapit na pala ko matapos sa pagtakbo. Mas masaya. Mas magaan talaga tumakbo kapag naeenjoy mo yung panahon mo sa pagtakbo. Enjoy lang. Nde masyadong seryoso na parating nakatutok sa pacing at sa running watch.

Update ko na lang later kung anu nangyari sa 12kilometer ko mamayang gabi. 

Let's hit the road and have some fun.
Takbuhan na!


Updates:
  • Finished 12 Kilometers in 1:04 hours (5:21 min/km)
  • Weighed 164.0 after the training run
 Next Run:
  • Sunday Long Run, 13 Kilometers (Mileage Cut Back Week)